contact@thereportertv.com
+91 9492986819, +91 9493291809

 contact@thereportertv.com
+91 9492986819, +91 9493291809

  contact@thereportertv.com  |   +91 9492986819  |  +91 9493291809

రాజ్‌భవన్ పేల్చేస్తామని బెదిరింపు లేఖ

లక్నో: ఉత్తర్ ప్రదేశ్ రాజ్ భవన్‌ను డైనమైట్‌తో పేల్చేస్తామని ఓ బెదిరింపు లేఖ రావడం యూపీ పోలీసులను ఉరుకులు, పరుగులు పెట్టించింది. మరో 10 రోజుల్లో గవర్నర్ రాజ్ భవన్‌ను ఖాళీ చేయకపోతే.. రాజ్ భవన్‌ను పేల్చేస్తామని గుర్తుతెలియని వ్యక్తులు తమ లేఖలో పేర్కొన్నారు. టిఎస్‌పిఎస్ జార్ఖండ్ పేరిట ఈ లేఖ వచ్చినట్టు తెలుస్తోంది. బెదిరింపు లేఖ వచ్చిన అనంతరం ఉత్తర్ ప్రదేశ్ సర్కార్ అప్రమత్తమైంది. రాజ్ భవన్ వద్ద భద్రతను కట్టుదిట్టం చేయాల్సిందిగా పోలీసులను ఆదేశించిన ఆ రాష్ట్ర హోంమంత్రిత్వ శాఖ.. ఈ ఘటనపై విచారణ చేపట్టాల్సిందిగా తమ ఆదేశాల్లో పేర్కొంది. ఇంటెలీజెన్స్ డైరెక్టర్ జనరల్‌, భద్రతా విభాగం అడిషనల్ డైరెక్టర్ జనరల్‌కి ఆదేశాలు జారీచేసిన హోంశాఖ.. బుధవారం సాయంత్రంలోగా పూర్తి నివేదిక అందించాల్సిందిగా స్పష్టంచేసింది. ఇప్పటికే ఈ ఘటనపై హజ్రత్‌గంజ్ పోలీసు స్టేషన్‌లో ఓ కేసు కూడా నమోదైంది. హోంశాఖ ఆదేశాలతో రంగంలోకి దిగిన పోలీసులు.. ఆ లేఖను ఎవరు రాశారనే కోణంలో దర్యాప్తు చేపట్టారు. జులై 20వ తేదీనే ఆనంది బెన్ పటేల్‌ను ఉత్తర్ ప్రదేశ్ గవర్నర్‌గా నియమిస్తూ రాష్ట్రపతి రామ్‌నాథ్ కోవింద్ ఉత్తర్వులు జారీ చేసిన సంగతి తెలిసిందే.

Facebook
Twitter
WhatsApp
Telegram
Email

తాజా వార్తలు :

మరిన్ని వార్తలు చూడండి :