Sports

ఆస్ట్రేలియా – పాకిస్తాన్ మ్యాచ్ లో గెలుపెవరిదో జోస్యం చెప్పిన రాబిన్ ఊతప్ప

ఈ రోజు సాయంత్రం దుబాయ్ వేదికగా జరగనున్న టి20 మ్యాచ్ లో ఆస్ట్రేలియా, పాకిస్థాన్ జట్లు తలపడనున్నాయి. ఈ పోటీలో గెలుపొందే జట్టు ఫైనల్స్ లో న్యూజిలాండ్ ను ఎదుర్కొంటుంది.

ఈ సందర్భంగా టీమిండియా బ్యాట్స్ మెన్ రాబిన్ ఊతప్ప మాట్లాడుతూ… ఆస్ట్రేలియాను పాకిస్థాన్ ఓడిస్తుందని జోస్యం చెప్పాడు. ప్రస్తుత టోర్నీలో ఈ రెండు జట్లు బాగా ఆడుతున్నాయని, అయితే, ఇప్పటి వరకు ఆడిన అన్ని మ్యాచ్ లలో పాకిస్థాన్ జయకేతనం ఎగురవేసిందని తెలిపాడు.

ఈ ప్రపంచకప్ లో పాక్ జట్టు మాత్రమే అజేయంగా కొనసాగుతోందని… అందుకే రెండో సెమీస్ లో ఫేవరెట్ గా పాక్ బరిలోకి దిగుతుందని చెప్పాడు. ఇప్పటి వరకు కొనసాగించిన జోరును కొనసాగిస్తే పాకిస్థాన్ గెలవడం ఖాయమని అన్నాడు. ఆస్ట్రేలియా కూడా మెరుగ్గా రాణిస్తోందని… ఆ జట్టును తక్కువగా అంచనా వేయడానికి వీల్లేదని చెప్పాడు.