TELANGANA

సైబర్ నేరాలపై కనీస అవగాహన అవసరం : గన్నేరువరం ఎస్ఐ మామిడాల సురేందర్

ప్రస్తుతం సైబర్ నేరాలపై విద్యార్థులందరికీ కనీస అవగాహన అవసరమని గన్నేరువరం ఎస్ఐ మామిడాల సురేందర్ పేర్కొన్నారు మండల కేంద్రంలోని జిల్లా పరిషత్ ఉన్నత పాఠశాలలో సైబర్ కాంగ్రెస్ దీక్ష స్వీకారోత్సవ కార్యక్రమంలో ఆయన పాల్గొని మాట్లాడుతూ తెలంగాణ పోలీస్ డిపార్ట్మెంట్ మహిళా భద్రతా విభాగం మరియు పాఠశాల విద్యాశాఖ ఆధ్వర్యంలో సంయుక్తంగా పాఠశాల భద్రత, గౌరవం, మరియు సాధికారతను నిర్ధారించడానికి సైబర్ కాంగ్రెస్ కార్యక్రమం రూపొందించబడిందని సైబర్ నేరాలను ఎదుర్కొనడానికి అందరు విద్యార్థులు అంబాసిడర్లుగా మారాలని, సైబర్ సెక్యూరిటీ లో శిక్షణ పొందాలని, సైబర్ బెదిరింపులు, సైబర్ స్టాకింగ్ మరియు చట్టం తదితర అంశాలపై అవగాహన పెంపొందించుకోవాలని ఆయన అన్నారు.
ఆన్లైన్ విద్య సమయంలో మరియు వివిధ అప్లికేషన్ల లాగిన్ సమయంలో సైబర్ ముప్పు పొంచి ఉన్నదని, ఇంటర్నెట్ వినియోగంలో అందరూ జాగ్రత్త వహించాలని పేర్కొన్నారు. అనంతరం అంబాసిడర్లుగా ఎంపికైన బొమ్మకంటి పల్లవి శ్రీ మరియు పత్తి స్వామి లకు బ్యాడ్జీలు ప్రధానం చేశారు పోస్టర్ తయారీ మరియు ఉపన్యాస పోటీల్లో గెలుపొందిన విద్యార్థిని విద్యార్థులకు బహుమతులు ప్రధానం చేశారు. ఈ కార్యక్రమంలో పాఠశాల ప్రధానోపాధ్యాయులు కట్టా రవీంద్ర చారి పాఠశాల విద్యా కమిటీ చైర్మన్ బుర్ర సత్యనారాయణ గౌడ్ గారు సైబర్ కాంగ్రెస్ మెంటర్ టీచర్ వి. శరత్ కుమార్, ఉపాధ్యాయ బృందం విద్యార్థిని విద్యార్థులు పాల్గొన్నారు