Business

మీరు డబ్బులు సంపాదించాలని యోచిస్తున్నారా? అది కూడా కళ్లుచెదిరే లాభం

తక్కువ కాలంలోనే కళ్లుచెదిరే లాభం పొందాలని భావిస్తే.. అందుకు అందుబాటులో ఉన్న ఆప్షన్ స్టాక్ మార్కెట్. మల్టీ బ్యాగర్ స్టాక్స్‌ను పట్టుకుంటే భారీ రాబడి పొందొచ్చు. అయితే ఇది అంత ఈజీ కాదు. అలాగే స్టాక్ మార్కెట్‌లో భారీ రిస్క్ కూడా ఉంటుంది.

ఇప్పుడు ఈ స్టాక్ మార్కెట్ గురించి ఎందుకని ఆలోచిస్తున్నారా? ఒక షేరు ఇన్వెస్టర్ల పంట పండించింది. ఆదిత్య విజన్ అనే కంపెనీ గత ఏడాది కాలంలో భారీగా పెరిగింది. దీంతో అందులో డబ్బులు పెట్టిన వారికి కూడా భారీ లాభం వచ్చింది.

ఆదిత్య విజన్ కంపెనీ షేరు ధర గత ఏడాది కాలంలో ఏకంగా 3736 శాతం పరుగులు పెట్టింది. బీఎస్‌ఈలో ఈ కంపెనీ షేరు ధర 2020 జూలై 8న రూ.20 వద్ద ఉండేది. కానీ ఇప్పుడు 2021 జూలై 9న షేరు ధర రూ.790 వద్ద ఉంది. అంటే షేరు ధర ఏ స్థాయిలో పెరిగిందో అర్థం చేసుకోవచ్చు.

అంతే మీరు ఏడాది కిందట ఈ షేరులో రూ.లక్ష పెట్టి ఉంటే.. ఇప్పుడు మీ చేతికి రూ.37 లక్షలు వచ్చి ఉండేవి. ఇకపోతే స్టాక్ మార్కెట్‌లో డబ్బులు పెట్టే వారు ఒక విషయం తెలుసుకోవాలి. మార్కెట్‌లో రిస్క్ చాలా ఎక్కువగా ఉంటుంది. అందుకని డబ్బులు పెట్టేటప్పుడు స్టాక్ మార్కెట్, ఇన్వెస్ట్‌మెంట్ నిపుణుల సలహాలు తీసుకోవడం ఉత్తమం.