కొమురం భీం ఆసిఫాబాద్ జిల్లా – కాగజ్ నగర్: భారత రాజ్యాంగ శిల్పి, మహానుభావుడు, భారతరత్న డాక్టర్ బి.ఆర్. అంబేద్కర్ 69వ వర్ధంతిని పురస్కరించుకుని శనివారం కాగజ్ నగర్ పట్టణంలో రిజిస్టర్డ్ ప్రెస్ క్లబ్ (రి.సం. 259) ఆధ్వర్యంలో ఘనంగా నివాళులర్పణ కార్యక్రమం నిర్వహించారు. ప్రెస్ క్లబ్ అధ్యక్షులు అహ్మద్ పాషా నాయకత్వంలో పాత్రికేయులు అంబేద్కర్ చౌరస్తాలోని డాక్టర్ అంబేద్కర్ విగ్రహానికి పూలమాలలు అర్పించి ఆయనను స్మరించారు.
ఈ సందర్భంగా ప్రెస్ క్లబ్ అధ్యక్షులు అహ్మద్ పాషా మాట్లాడుతూ, డాక్టర్ బి.ఆర్. అంబేద్కర్ కేవలం భారత రాజ్యాంగ రచయిత మాత్రమే కాకుండా, సమాజంలో అణగారిన వర్గాల కోసం జీవితమంతా పోరాడిన మహనీయుడు, గొప్ప సంఘసంస్కర్త అని అన్నారు. సామాజిక అసమానతలను నిర్మూలించి, ప్రతి పౌరుడికీ న్యాయం, స్వేచ్ఛ, సమానత్వం అందే సమాజాన్ని నిర్మించాలనేదే అంబేద్కర్ ఆశయమని గుర్తుచేశారు. ఆయన చూపిన మార్గంలో నడిచినప్పుడే నిజమైన నివాళి అర్పించినట్లవుతుందని అన్నారు.
పాత్రికేయులుగా అంబేద్కర్ ఆశయాలను, రాజ్యాంగ విలువలను ప్రజల్లోకి బలంగా తీసుకెళ్లడం తమ బాధ్యత అని అహ్మద్ పాషా స్పష్టం చేశారు.
కార్యక్రమంలో గౌరవ అధ్యక్షులు వడ్నాల వెంకన్న, ఉపాధ్యక్షులు దుర్గం నిరంజన్, సభ్యులు వంగరి ప్రవీణ్, తాజ్ ఖాన్, ఈర్ల సునీల్ కుమార్, వెంకటేష్, ఫారూఖ్, రమేష్, హర్షద్, షేక్ ఇంతియాజ్ తదితర పాత్రికేయులు పాల్గొని అంబేద్కర్ సేవలను స్మరించారు.
అంబేద్కర్ విగ్రహం వద్ద జరిగిన ఈ కార్యక్రమం ముగింపు వరకు భక్తిపరమైన, గౌరవప్రద వాతావరణం నెలకొంది.
