అన్నమయ్య జిల్లా సదుం మండలం చెరుకువారిపల్లి బ్రాంచ్ పోస్టాఫీసులో పనిచేస్తున్న పోస్టుమాస్టర్ ధనలక్ష్మిని అధికారులు సస్పెండ్ చేసినట్లు సమాచారం. ఆమెపై వచ్చిన ఫిర్యాదుల నేపథ్యంలో పోలీసులు విచారణ చేపట్టినట్లు తెలిపారు.
ఫిబ్రవరి 27న ధనలక్ష్మి పోలీస్ స్టేషన్లో ఇచ్చిన ఫిర్యాదు ద్వారా ఈ వ్యవహారం వెలుగులోకి వచ్చినట్లు పోలీసులు పేర్కొన్నారు. అయితే ప్రాథమిక విచారణలో ఖాతాదారుల పాసుపుస్తకాలతో పాటు దాదాపు రూ.5 లక్షలకు పైగా నగదు ప్రజల నుంచి వసూలు చేసి దుర్వినియోగం చేసినట్లు ఆరోపణలు ఉన్నాయని సదుం ఎస్ఐ తెలిపారు.
ఈ ఘటనపై సోమవారం కేసు నమోదు చేయనున్నట్లు ఆయన వెల్లడించారు. ఇప్పటికే ఈ విషయాన్ని ఉన్నతాధికారులకు తెలియజేసినట్లు పోలీసులు తెలిపారు. వారు త్వరలో పూర్తి స్థాయి విచారణ చేపట్టనున్నట్లు చెప్పారు.
విచారణ అనంతరం అసలు నిజానిజాలు వెలుగులోకి వస్తాయని అధికారులు పేర్కొన్నారు. ఇదిలా ఉండగా ఈ ఘటనకు సంబంధించి బాధితులు పోస్టాఫీస్ ముందు ధర్నా చేపట్టేందుకు సిద్ధమవుతున్నట్లు సమాచారం.
పోస్టల్ శాఖలో చోటుచేసుకున్న ఈ ఘటన స్థానికంగా చర్చనీయాంశంగా మారింది.
