సోషల్ మీడియాలో తప్పుడు ప్రచారం చేసేవారికి ఏపీ పోలీసులు వార్నింగ్ ఇచ్చారు. ఇక నుంచి సోషల్ మీడియాపై ప్రత్యేక నిఘా పెట్టనున్నట్లు తెలిపారు. ఇందుకోసం ప్రత్యేక సెంటర్ ఏర్పాటు చేయనున్నట్లు డీజీపీ రాజేంద్రనాథ్ రెడ్డి స్పష్టం చేశారు. 130 మందితో స్పెషల్ టీమ్‌ను ఏర్పాటు చేస్తున్నామని, ఫేస్‌బుక్, వాట్సప్, ట్విట్టర్, ఇన్‌స్టాగ్రామ్ వంటి సోషల్ మీడియా ఫ్లాట్‌ఫామ్స్‌పై నిరంతరం నిఘా ఉంచుతామని చెప్పారు. సోషల్ మీడియాలో తప్పుడు ప్రచారం, రెచ్చగొట్టేలా వ్యాఖ్యలు చేసేవారిపై కఠిన చర్యలు తీసుకుంటామని హెచ్చరించారు.
