పల్నాడు: పల్నాడు జిల్లాకు కొత్త జిల్లా పోలీస్ అధికారి (ఎస్‌పీ)గా కృష్ణారావు ఐపీఎస్ బాధ్యతలు స్వీకరించారు. నూతనంగా నియమితులైన ఆయన, ఆదివారం జిల్లా పోలీస్ కార్యాలయంలో అధికారికంగా తన పదవిని చేపట్టారు.
పదవి చేపట్టిన అనంతరం కృష్ణారావు మీడియాతో మాట్లాడుతూ, “పల్నాడు జిల్లాలో శాంతి భద్రతలు కాపాడటం, నేరాల నియంత్రణ, మహిళల భద్రతకు పెద్దపీట వేయడం నా ప్రాధాన్యతలు. ప్రజలకు స్నేహపూర్వకంగా పోలీసింగ్ అందించేందుకు చర్యలు తీసుకుంటాను,” అని అన్నారు.
ఇకపై జిల్లాలో రోడ్ సేఫ్టీ, డ్రగ్స్ నిర్మూలన, యువతలో చట్టపరమైన అవగాహన పెంచే కార్యక్రమాలు చేపడతామని ఆయన తెలిపారు. పోలీస్ వ్యవస్థపై ప్రజల్లో నమ్మకం పెంచేందుకు ప్రజలతో సన్నిహితంగా ఉండేలా చర్యలు తీసుకుంటామని చెప్పారు.
పల్నాడు జిల్లా ప్రజలు, నాయకులు, పోలీసులు కొత్త ఎస్పీకి హార్దికంగా స్వాగతం పలికారు.
