పార్వతీపురం మన్యం జిల్లా గుమ్మలక్ష్మీపురం గ్రామంలో జరుగుతున్న దసరా నవరాత్రి ఉత్సవాల్లో భాగంగా సోమవారం రోజున అమ్మవారు సరస్వతీ దేవి రూపంలో దర్శనమిచ్చారు. ప్రత్యేకంగా విద్యార్థుల కోణంలో అమ్మవారిని అలంకరించి, విద్యా దేవతగా పూజలు నిర్వహించారు.
ఈ సందర్భంగా పెద్ద సంఖ్యలో విద్యార్థులు హాజరై సరస్వతీ పూజలో పాల్గొన్నారు. చిన్నారులకు అక్షరాభ్యాసం కూడా నిర్వహించగా, పిల్లలు తమ మొదటి అక్షరాలను అమ్మవారి సన్నిధిలో రాయడం విశేషంగా నిలిచింది. విద్యార్థులు తమ పాఠ్యపుస్తకాలు, నోటుబుక్స్‌ను తల్లి పాదాల చెంత ఉంచి ఆశీర్వాదాలు పొందారు.
ఈ పూజా కార్యక్రమానికి గ్రామ పెద్దలు, వివిధ సంఘాల ప్రతినిధులు, గ్రామ ప్రజలు భారీ సంఖ్యలో హాజరై నవరాత్రి ఉత్సవాలకు మరింత వైభవం చేకూర్చారు. ఈ వేడుకలతో గ్రామం సంబురంగా మారింది.
