తిరుపతి: తిరుపతి జిల్లా ఎస్పీ ఎల్. సుబ్బరాయుడు ఆదేశాల మేరకు ఆదివారం జిల్లా వ్యాప్తంగా విస్తృత స్థాయిలో కార్డన్ అండ్ సెర్చ్ ఆపరేషన్లు నిర్వహించడం జరిగింది. ఈ చర్యల లక్ష్యం శాంతి భద్రతను పరిరక్షించడం, గంజాయి విక్రయం, అక్రమ చలనం మరియు అనుమానాస్పద కార్యకలాపాలను నియంత్రించడం.
నాయుడుపేట – మెనకూరు గ్రామం (SEZ ఏరియా) లో సోదాలు: నాయుడుపేట డివిజన్ పరిధిలోని మెనకూరు గ్రామంలోని ఎన్టీఆర్ నగర్ ప్రాంతంలో ప్రత్యేక బృందాలు విస్తృత సోదాలు నిర్వహించి, వలస కూలీల వివరాలు సేకరించారు. వారి గుర్తింపు పత్రాలను పరిశీలించి, అవసరమైన చర్యలు తీసుకున్నారు. ఈ సందర్భంలో ఎస్డీపీఓ, నాయుడుపేట అధికారులు వలస కార్మికులకు చట్టానికి, శాంతి భద్రతకు సహకరించమని, మద్యం, గంజాయి వినియోగం వంటి చట్టవిరుద్ధ కార్యకలాపాలకు పాల్పడకూడదని హెచ్చరించారు. మహిళలు, పిల్లల పట్ల గౌరవప్రదమైన ప్రవర్తన కొనసాగించాలని మరియు సమాజంలో సౌహార్ద వాతావరణాన్ని కాపాడమని సూచించారు.
Railway Koduru – సమతానగర్ ప్రాంతంలో సోదాలు : Railway Koduru పరిధిలోని సమతానగర్ ప్రాంతంలో కొడూరు రూరల్ సర్కిల్ సీఐ, ఎస్ఐలు మరియు సిబ్బంది కలిసి ఇళ్లలో సోదాలు నిర్వహించారు. రికార్డులు లేని 15 మోటార్ సైకిళ్లను స్వాధీనం చేసుకున్నారు. అదేవిధంగా, అనుమానాస్పద వ్యక్తులపై విచారణలు జరిపి, స్థానికులతో ప్రాంతీయ సమస్యలపై చర్చించారు.
ప్రజలకు బాలికల భద్రత, గంజాయి దుష్ప్రభావాలు, నేరాల నివారణపై అవగాహన కల్పించడం కూడా ఈ ఆపరేషన్లో భాగంగా జరిగింది. యువత అసాంఘిక కార్యకలాపాలకు దూరంగా ఉండాలని, ఎటువంటి అనుమానాస్పద సమాచారం ఉన్నా వెంటనే పోలీసులకు తెలియజేయాలని సూచించారు.
పరిశీలన మరియు భవిష్యత్తు చర్యలు: జిల్లా పోలీస్ శాఖ తెలిపారు, కట్టుదిట్టమైన పర్యవేక్షణలో ఇటువంటి కార్డన్ అండ్ సెర్చ్ ఆపరేషన్లు నిరంతరంగా కొనసాగుతాయని, అసాంఘిక కార్యకలాపాలకు పాల్పడే వారిపై కఠిన చర్యలు తీసుకుంటామని. ప్రజలు పోలీస్ శాఖకు సహకరించి, శాంతి భద్రతలో భాగస్వాములు కావాలని పోలీసులు విజ్ఞప్తి చేశారు.
