కాగజ్నగర్, కొమురం భీమ్ ఆసిఫాబాద్ జిల్లా: కాగజ్నగర్ పట్టణంలో త్రివర్ణ గణేశుని శోభాయాత్ర అత్యంత వైభవంగా, భక్తిశ్రద్ధల మధ్య సాగింది. ఉమ్మడి ఆదిలాబాద్ జిల్లా ఎమ్మెల్సీ దండే విఠల్ ఆధ్వర్యంలో శోభాయాత్రను ఘనంగా నిర్వహించారు.
పట్టణంలోని మార్కెట్ ఏరియా, రాజీవ్ గాంధీ చౌరస్తా మీదుగా శోభాయాత్ర కొనసాగింది. ఈ కార్యక్రమంలో కాంగ్రెస్ పార్టీ శ్రేణులతో పాటు స్థానిక ప్రజలు, భక్తులు పెద్ద సంఖ్యలో పాల్గొన్నారు. దారిపొడవునా గణనాథుడికి ప్రత్యేక పూజలు నిర్వహిస్తూ భక్తులు స్వామివారిని దర్శించుకున్నారు.
గుస్సాడి నృత్యాలు, భక్తుల నినాదాలతో శోభాయాత్ర సందడిగా సాగింది. పట్టణంలోని ప్రధాన వీధుల మీదుగా కొనసాగిన ఈ యాత్రలో ప్రజలు, కార్యకర్తలు పెద్ద ఎత్తున పాల్గొని కార్యక్రమాన్ని విజయవంతం చేశారు.
భక్తిశ్రద్ధలతో నిర్వహించిన త్రివర్ణ గణేశుని శోభాయాత్రతో కాగజ్నగర్ పట్టణంలో పండుగ వాతావరణం నెలకొంది.
