పల్నాడు జిల్లా – మాచర్ల : మాచర్ల పట్టణంలోని SKBR కళాశాల గ్రౌండ్లో మండవ మాచర్ల ప్రీమియర్ క్రికెట్ లీగ్ (MPL) ప్రారంభోత్సవ కార్యక్రమం ఘనంగా నిర్వహించారు. క్రికెట్ అభిమానులు, క్రీడాకారులు, రాజకీయ నాయకులు, నిర్వాహకుల సందడితో కళాశాల మైదానం ఉత్సాహభరితంగా మారింది.
ఈ ప్రారంభోత్సవ కార్యక్రమానికి మాచర్ల ఎమ్మెల్యే జూలకంటి బ్రహ్మానంద రెడ్డి ముఖ్య అతిథిగా హాజరై లీగ్ను ప్రారంభించారు. ఈ సందర్భంగా క్రీడాకారులను పరిచయం చేసుకుని, వారిని ఉత్సాహపరిచారు. క్రీడలు యువతలో క్రమశిక్షణ, పట్టుదల, జట్టుగా పనిచేసే స్ఫూర్తిని పెంపొందిస్తాయని పేర్కొన్నారు.
MPL చైర్మన్ రవి ఆధ్వర్యంలో నిర్వహిస్తున్న ఈ క్రికెట్ లీగ్కు క్రీడాకారులు, అభిమానుల నుంచి మంచి స్పందన లభించింది. ప్రారంభోత్సవం సందర్భంగా మైదానంలో సందడి నెలకొనగా, తమ అభిమాన జట్లు, క్రీడాకారులను ప్రోత్సహించేందుకు అభిమానులు పెద్ద సంఖ్యలో తరలివచ్చారు.
క్రీడా ప్రతిభను వెలికితీయడంతో పాటు స్థానిక యువ క్రీడాకారులకు మంచి వేదిక కల్పించాలనే ఉద్దేశంతో MPL నిర్వహిస్తున్నట్లు నిర్వాహకులు తెలిపారు. లీగ్లో పాల్గొనే జట్లు ఉత్సాహంగా పోటీపడేందుకు సిద్ధమయ్యాయి.
కార్యక్రమంలో MPL చైర్మన్ రవి, క్రీడాకారులు, రాజకీయ నాయకులు, క్రికెట్ అభిమానులు, నిర్వాహకులు, స్థానిక ప్రజలు తదితరులు పాల్గొన్నారు.
