సంగారెడ్డి జిల్లా సమీకృత జిల్లా కార్యాలయాల సముదాయ సమావేశ మందిరంలో సోమవారం నిర్వహించిన ప్రజావాణి కార్యక్రమంలో 65 ఫిర్యాదులు అందాయి. ఈ కార్యక్రమానికి జిల్లా కలెక్టర్ క్రాంతి వల్లూరు నేతృత్వం వహించారు.
కలెక్టర్ క్రాంతి వల్లూరు మాట్లాడుతూ, ప్రజావాణి అనేది ప్రజల సమస్యలను పరిష్కరించే వేదిక అని పేర్కొన్నారు. ఫిర్యాదులను ఎలాంటి ఆలస్యం లేకుండా పరిశీలించి, వాటిని సత్వరమే పరిష్కరించాలంటూ అధికారులకు ఆదేశాలు జారీ చేశారు. పెండింగ్‌లో ఉన్న ఫిర్యాదులను త్వరగా పరిష్కరించే చర్యలు తీసుకోవాలని సూచించారు.
ఈ రోజు సమర్పించబడిన 65 అర్జీలలో ధరణి భూ సమస్యలు, ఆసరా పెన్షన్లు, సాగు నీటి పద్ధతులు, భూ సర్వే, గ్రామ పంచాయతి మరియు ఇతర శాఖలకు సంబంధించిన ఫిర్యాదులు ఉన్నాయి. ముఖ్యంగా మండలాలకు చెందిన పలు గ్రామాల ప్రజలు భూ సమస్యలపై ఫిర్యాదులు సమర్పించారు.
